Իսրայելի պաշտպանության բանակը հայտնում է, որ ազդանշանները նախազգուշացնում են հնարավոր հրթիռային հարձակումը երկրի հյուսիսային հատվածում:
Նշենք, որ երեկ երեկոյան ևս երկու հրթիռ է արձակվել Իսրայելի ուղղությամբ: Ականատեսների խոսքով՝ հրթիռները արձակվել են Գազայի հյուսիսային հատվածից: Իսկ Իսրայելի բանակը հայտնել է, որ արձակված հրթիռներից մեկն ընկել է Գազայի հատվածում, իսկ մյուսը՝ Գազայի և Իսրայելի սահմանային հատվածում:
Իսրայելական ԶԼՄ-ներն ավելի վաղ հաղորդել էին, որ պաղեստինցի զինյալները Գազայից առնվազն ինը հրթիռներ են արձակել Իսրայելի ուղղությամբ այն բանից հետո, երբ Իսրայելի զինված ուժերը ավիահավածներ էին հասցրել՝ թիրախավորելով ՀԱՄԱՍ-ի զենքի արտադրությունը:
Գազայի հատվածի երկու կողմերում էլ զոհեր և վիրավորներ չկան:
Նշվել է, որ ՀԱՄԱՍ-ը չի ստանձնել հրթիռային հարձակումների պատասխանատվությունը, սակայն հայտարարել է, որ դրանք կատարվել են ի պատասխան Ալ-Աքսա մզկիթի վրա Իսրայելի ոստիկանության իրականացրած գրոհի:
Հետևեք մեզ տելեգրամում
