Վրաստանի վարչապետ Իրակլի Ղարիբաշվիլին ժամանել է Ադրբեջան: Տեղեկությունը փոխանցում է Վրաստանի պետական լրատվամիջոցը:
Իրակլի Ղարիբաշվիլիին Գաբալայի օդանավակայանում դիմավորել են Ադրբեջանի արտգործնախարար Ջեյհուն Բայրամովը, Վրաստանում Ադրբեջանի դեսպան Ֆաիգ Գուլիևը և Ադրբեջանում Վրաստանի դեսպան Զուրաբ Պատառաձեն։
Ավելի վաղ վրացական ԶԼՄ-ները տեղեկացրել էին, որ այցի շրջանակներում նախատեսվում է Ղարիբաշվիլիի հանդիպումն Ալիևի հետ:
Հանդիպումից հետո կողմերը ԶԼՄ-ների համար հանդես կգան համատեղ հայտարարությամբ։
Նշենք, որ Ղարիբաշվիլիի գլխավորած պատվիրակության կազմում են Վրաստանի փոխվարչապետը, էկոնոմիկայի և կայուն զարգացման նախարարը, ԱԳ նախարարը և կառավարության աշխատակազմի ղեկավարը։
Հետևեք մեզ տելեգրամում
