Երեկ Բաքվում Իսրայելի արտգործնախարար Էլի Կոհենը հանդիպել է Ադրբեջանի էկոնոմիկայի նախարար Միքայիլ Ջաբարովի հետ:
Նախարարները քննարկել են տարածաշրջանային անվտանգության և միջպետական անվտանգային կապերի ամրապնդումը:
«Իսրայելի և Ադրբեջանի միջև ռազմավարական հարաբերությունները տարածվում են անվտանգության, էներգետիկայի, տնտեսության և զբոսաշրջության վրա»,- Twitter-ի իր միկրոբլոգում գրել է Կոհենը:
Նրա խոսքով՝ Ադրբեջանն Իսրայելի ռազմավարական գործընկերն է՝ շնորհիվ իր աշխարհագրական դիրքի և այն փաստի, որ շիա-մուսուլմանական երկիր լինելով՝ դեսպանատուն է բացել Իսրայելում:
«Մեր տնտեսությունների միջև ներուժը հսկայական է, և մենք կշարունակենք միասին աշխատել՝ ընդլայնելու այն՝ ի շահ մեր ժողովուրդների», – հավելել է Իսրայելի արտգործնախարարը։
Հետևեք մեզ տելեգրամում
