Այսօր Մոսկվայում ՌԴ պաշտպանության նախարար Սերգեյ Շոյգուն հյուրընկալել է Իրանի, Սիրիայի և Թուրքիայի պաշտպանության նախարարներ Մոհամմադ Ռեզա Աշտիյանիին, Ալի Մահմուդ Աբբասին և Հուլուսի Աքարին: Այս մասին հաղորդագրություն է տարածել Ռուսաստանի պաշտպանության նախարարությունը:
Համայա հաղորդագրության՝ Շոյգուն իր երեք գործընկերների հետ քննարկել է Սիրիայում անվտանգության ամրապնդման և ահաբեկչության դեմ պայքարի հետ առնչվող հարցեր: Նշվել է նաև, որ հանդիպման ընթացքում «քննարկվել են սիրիա-թուրքական հարաբերությունների կարգավորմանն ուղղված գործնական քայլերը»։
«Կառուցողական մթնոլորտում անցկացված հանդիպման արդյունքում ընդգծվել է Սիրիայում և տարածաշրջանում կայունության կարևորությունը և դրա ձեռքբերումն ապահովելու համար քառակողմ ձևաչափով հանդիպումները շարունակելու կարևորությունը»,- նշվել է Թուրքիայի պաշտպանության նախարարության տարածած հաղորդագրությունում:
Հետևեք մեզ տելեգրամում
