Իրանը պահանջել է Աֆղանստանից հարգել իր «ջրային իրավունքները»՝ նշելով, որ գետի վերին ամբարտակը սահմանափակում է ջրի հոսքը դեպի լիճ, որը անցնում է իրենց ընդհանուր սահմանով:
«1972 թվականի պայմանագրի համաձայն՝ Իրանի բնական իրավունքն է օգտվել Հիրմանդի ջրից, և մենք լրջորեն հետամուտ ենք լինելու այս հարցին»,- Իրանի արտգործնախարար Հոսեյն Ամիր Աբդոլլահիանի խոսքերը մեջբերում է ISNA-ն:
Իրանի արտգործնախարարը զգուշացրել է, որ ջրային իրավունքների անխափան ապահովման համար «կկիրառվեն նաև ճնշման միջոցներ»:
Նշենք, որ դեռևս 1972 թվականին Իրանի և Աֆղանստանի իշխանությունների միջև ստորագրվել է Հիրմանդի պայմանագիրը, որի համաձայն՝ Իրանի մասնաբաժինը Հիրմանդ գետի ջրից կազմելու է տարեկան 820 միլիոն խորանարդ մետր և մոտ 26 խորանարդ մետր վայրկյանում: Այս թվերն, իհարկե, կարող են փոփոխվել՝ կախված տարբեր ամիսներից և եղանակային պայմաններից:
Սակայն Աֆղանստանի նախորդ կառավարությունը, որը պետք է ապահովեր Իրանի ջրային իրավունքները, Հիրմանդ գետի վրա կառուցել է Քամալ Խան ամբարտակը: Նման քայլը փաստացի խորընդոտում է վերոնշյալ պայմանագրի իրականացումը:
Հետևեք մեզ տելեգրամում
