Վրաստանի վարչապետ Իրակլի Ղարիբաշվիլին հայտարարել է, որ երկրի տնտեսությունը կփլուզվի և վրաց ժողովուրդը վնասներ կկրի, եթե Թբիլիսին Մոսկվայի դեմ տնտեսական պատժամիջոցներ կիրառի:
«Լավ գիտեք՝ 2008-ին պատերազմ ենք ունեցել, հիշու՞մ եք որևէ մեկին, ով պատերազմի ժամանակ պատժամիջոցներ էր սահմանել Ռուսաստանի դեմ։ Ոչ ոք։ Ոչ մեկ աշխարհում համարժեք չի արձագանքել։ Այսպիսով, իմ հարցն այն է, թե որտեղ է տրամաբանությունը: Մեր պատերազմը պատերա՞զմ չէ, իսկ Ուկրաինայում պատերազմը պատերա՞զմ է»,- նշել է Վրաստանի վարչապետը՝ Կատարի ամենամյա տնտեսական ֆորումի պանելային քննարկման ժամանակ:
Ղարիբաշվիլիի խոսքով՝ Ռուասաստանի հետ Վրաստանի ապրանքաշրջանառությունը մեկ միլիարդից պակաս է:
«Համեմատության համար՝ ԵՄ-ն ընդամենը չորս օրում առևտուր է անում այնքան, ինչը մենք իրականացնում ենք ամբողջ տարվա ընթացքում։ Սա զվարճալի է։ Տրամաբանություն չկա։ Սա վնասում է մեր երկրի ազգային շահերին»,- հավելել է Վրաստանի վարչապետը։
Հետևեք մեզ տելեգրամում
