Թուրքիայի արտգործնախարար Հաքան Ֆիդանը և ԱՄՆ պետքարտուղար Էնթոնի Բլինքենը հեռախոսազրույցի ընթացքում քննարկել են Թուրքիա-Հայաստան և Ադրբեջան-Հայաստան կարգավորման գործընթացները: Այս մասին գրում է թուրքական պետական Anadolu լրատվամիջոցը:
Anadolu-ն գրել է, որ Բլինքենը շնորհավորել է Ֆիդանին նոր պաշտոնում նշանակվելու կապակցությամբ։
Զրույցի ընթացքում քննարկվել են ՆԱՏՕ-ին Շվեդիայի անդամակցությունը, Թուրքիա-Հայաստան և Ադրբեջան-Հայաստան կարգավորման գործընթացները, F-16-երի գնման և արդիականացման, ինչպես նաև Ուկրաինայի հացահատիկային համաձայնագրի հարցերը։
Ֆիդանը և Բլինքենն ընդգծել են երկու երկրների միջև համատեղ օրակարգային հարցերը քննարկելու համար հնարավորինս շուտ կրկին զրուցելու իրենց պատրաստակամությունը։
Հետևեք մեզ տելեգրամում
