Իսրայելը պետք է հավասարակշռված դիվանագիտական մոտեցում որդեգրի Ադրբեջանի նկատմամբ։ Նման տեսակետ է ներկայացվել «Israel National News» կայքում հրապարակված հոդվածում:
Կայքը գրել է, որ Իսրայելը պետք է վճռականորեն դեմ արտահայտվի Լեռնային Ղարաբաղի հակամարտության ռազմական լուծմանը՝ միևնույն ժամանակ շարունակելով աջակցել Ադրբեջանի տարածքային նկրտումներին՝ միևնույն ժամանակ վճռականորեն դեմ արտահայտվելով Լեռնային Ղարաբաղի հակամարտության ռազմական լուծմանը։
Համաձայն հոդվածի՝ Ադրբեջանում մարդու իրավունքների խախտումներն ազդում են նաև Իսրայելի ընդհանուր իմիջի վրա: Այսինքն Իսրայելն աջակցում է մի վարչակարգի, որը բացասական վարկանիշներ ունի մարդու ազատության և ժողովրդավարության միջազգային ցուցանիշներում:
Բացի այդ ընդգծվել է, որ Իսրայելի «անմնացորդ աջակցությունն Ադրբեջանին ակամա նպաստում է Կովկասում Իրանի դիրքերի ամրապնդմանը»: Ռուսաստանի կենտրոնացվածությունն ուկրաինական ճգնաժամում իր հերթին նպաստում է, որ Իրանը հանդես գա Կովկասում որպես Հայաստանի պաշտպան և քրիստոնեական շահերի երաշխավոր:
Հոդվածում կարծիք է ներկայացվել այն մասին, որ Իսրայելն անգամ կարող է զգալի դիվանագիտական դեր խաղալ՝ հրավիրելով Հայաստանի և Ադրբեջանի ղեկավարներին Երուսաղեմում կայանալիք խաղաղության միջազգային համաժողովին, որին կմասնակցեն ԱՄՆ-ի, Ֆրանսիայի, Թուրքիայի և Ռուսաստանի ներկայացուցիչները:
Հոդվածում հիշեցվել է, որ Իսրայելի հետախուզությունն օգնել է Ադրբեջանին պայքարել նախագահ Իլհամ Ալիևի իշխանությանը սպառնացող իսլամիստական կազմակերպությունների դեմ, իսկ դրա դիմաց Ադրբեջանը նյութատեխնիկական հարթակ և վճռական աջակցություն է տրամադրել Իսրայելին՝ Իրանի միջուկային զենքի ծրագրին հակազդելու գործողություններում:
Հետևեք մեզ տելեգրամում
