Իսրայելի վարչապետ Բենիամին Նեթանյահուն հայտարարել է, որ դատաիրավական բարեփոխումների օրինագծի շուրջ կոնսենսուսի հասնելու ջանքերը շարունակվում են:
Ակնկալվում է, որ հաջորդ շաբաթ դատաիրավական բարեփոխումների օրինագիծը կընդունվի երկրի խորհրդարանի կողմից:
Իսրայելի ընդդիմության առաջնորդ, ՊՆ նախկին ղեկավար Բեննի Գանցը կոչ է արել փոխզիջումային բանակցություններ վարել:
«Նույնիսկ այս պահերին… ջանքեր են գործադրվում կոնսենսուսի հասնելու համար», – ասել է Նեթանյահուն մամուլին ուղղված ուղերձում:
Նեթանյահուի խոսքով՝ Իսրայելը կշարունակի մնալ ժողովրդավարական երկիրը:
Նա անդրադարձել է նաև հարյուրավոր պահեստազորայինների այն հայտարարություններին, թե իրենք կհրաժարվեն կամավոր ծառայությունից, եթե անցումները վնասակար լինեն երկրի համար:
«Այն, ինչը կվտանգի ժողովրդավարությունը, դա բանակում ծառայելուց հրաժարվելն է»,- ասել է Նեթանյահուն՝ հավելելով.
«Մենք դա չենք կարող հանդուրժել և չենք հանդուրժելու»:
Հիշեցնենք, որ Իսրայելում ցուցարարները շարունակում են ընդդիմանալ վարչապետ Բենիամին Նեթանյահուի նախաձեռնած դատաիրավական բարեփոխումների օրինագծի ընդունմանը: Ցուցարարները կարծում են, որ երկրում վտանգվել է ժողովրդավարությունը և օրինագծի ընդունմամբ կառավարությունն իշխանություն է ձեռք բերում դատական ճյուղի վրա:
Հետևեք մեզ տելեգրամում
