Հայաստանից Լեռնային Ղարաբաղ հումանիտար օգնություն տանող բեռնատարների շարասյունը դեռ սպասում է Լաչինի միջանցքով մտնելուն, մինչդեռ Բաքվից հնչում են ցինիկ հայտարարություններ՝ անտեսելով ՄԱԿ-ի դատարանի որոշումը: Այս մասին «Twitter»-ի միկրոբլոգում գրել է Հայաստանի փոխարտգործնախարար Վահան Կոստանյանը:
«Հայկական բեռնատարների շարասյունը սպասում է Լաչինի միջանցքով Լեռնային Ղարաբաղ մտնելուն: Մինչդեռ Ադրբեջանը չի իրականացնում Արդարադատության միջազգային դատարանի իրավաբանորեն պարտադիր կատարման ենթակա որոշումը` ապահովելու անարգել մուտքը»,-գրել է Կոստանյանը:
Նա հավել է՝ բացի այդ՝ Բաքվից հնչում են անմարդկային և ցինիկ հայտարարություններ, թե «խաղն ավարտված է»:
Հետևեք մեզ տելեգրամում
