Կովկասի հարցերով իրանցի փորձագետ Ահմադ Քազեմին խոսել է Բաքվի կողմից Լաչինի միջանցքի արգելափակման մասին։
Քազեմին հիշեցրել է, որ 8 ամիս շարունակ Ադրբեջանը փակել է Լաչինի միջանցքը, որը բնական աշխարհագրական ու պատմական ճանապարհ է Լեռնային Ղարաբաղի և Հայաստանին միջև։
Ըստ փորձագետի՝ 2020թ․ հրադադարի համաձայնագում Ադրբեջանը Նախիջևանին կապող միջանցք նախատեսված չէ, այլ ընդգծված են միայն հաղորդակցության ուղիների ապաշրջափակումը, ուստի Բաքվի նման վարքագիծը Լաչինի միջանցքի վերաբերյալ իրավական հիմք չունի։
Քազեմիի խոսքով՝ Բաքուն չորս նպատակ է հետապնդում՝ արգելափակելով Լաչինի միջանցքը.
1․ Կտրել կապերը Լեռնային Ղարաբաղի և Հայաստանի միջև՝ հայ բնակչության բռնի ինտեգրման կամ բռնի տեղահանման նպատակով
2․ Նախապատրաստելով հողը ռուս խաղաղապահների առաքելությունը չերկարաձգելու և նրանց կովկասյան տարածաշրջանից վտարելու համար՝ ՆԱՏՕ-ի, Թուրքիայի և «Սիոնիստական ռեժիմի» ավելի մեծ ներկայությունն ապահովելու համար
3․ Սահմանային բանակցություններում Հայաստանին անօրինական պայմաններ պարտադրել
4․ Կազմակերպել քարոզչական շոու «ՆԱՏՕ-ի Թուրանի միջանցքը» կամ կեղծ «Զանգեզուրի միջանցքը» գործարկելու համար։
«Ալիևների նման մոտեցումը, որը քիչ թե շատ համահունչ է մյուս փոքրամասնությունների նկատմամբ Բաքվի մոտեցմանը, ևս մեկ անգամ ցույց է տալիս հայերի և այլ էթնիկ փոքրամասնությունների իրավունքների և անվտանգության երաշխավորման հարցում Ալիևների ընտանիքի կարգախոսների անհիմն լինելը»,-հավելել է Քազեմին։
Հետևեք մեզ տելեգրամում
