Միջազգային մարդասիրական պաշտպանության տակ գտնվող անձի առևանգումը միջազգային մարդասիրական իրավունքի կոպտագույն խախտում է։
«Արմենպրես»-ի փոխանցմամբ՝ այս մասին շեշտել է Հայաստանի ԱԳՆ խոսնակ Անի Բադալյանն՝ անդրադառնալով Ադրբեջանի կողմից 68-ամյա արցախցու առևանգմանը, որը Հայաստան էր տեղափոխվում բուժման նպատակով:
«Անհանգստացած ենք լուրերից, որ 68-ամյա բուժառուն, ով Լեռնային Ղարաբաղից Հայաստան բուժօգնության էր տեղափոխվում՝ Կարմիր Խաչի միջազգային կոմիտեի ուղեկցությամբ, առևանգվել է Ադրբեջանի սահմանապահ ծառայության կողմից ապօրինի տեղադրված անցակետում։ Միջազգային մարդասիրական պաշտպանության տակ գտնվող անձի առևանգումը միջազգային մարդասիրական իրավունքի կոպտագույն խախտում է»,-շեշտել է խոսնակը:
Ավելի վաղ նաև հայտնի էր դարձել, որ ոչ ԿԽՄԿ-ի ներկայացուցիչները, ոչ ռուս խաղաղապահները տեղյակ չեն Ադրբեջանի կողմից ապօրինաբար առևանգված քաղաքացու գտնվելու վայրի մասին:
Հետևեք մեզ տելեգրամում
