Թուրքիայի Հանրապետության հիմնադրի և առաջին նախագահի մասին պատմող «Աթաթուրք» սերիալը չի ցուցադրվելու Disney Plus-ի հարթակներում։ Այդ մասին գրել է թուրքական մերձիշխանական YeniŞafak-ը, պնդելով, թե իբր Disney Plus-ը ենթարկվել է հայկական լոբբիին։
Սերիալը, որի վրա ծախսվել է 8 միլիոն դոլար, որպես ֆիլմ հոկտեմբերին ցուցադրվելու է միայն Թուրքիայի կինոթատրոններում։
Հիշեցնենք, որ ավելի վաղ ազգայնական Yeniçağ թերթի հոդվածագիր և խմբագիր Ֆաթիհ Էրգինը թվիթերում ևս գրել էր, թե իր տեղեկությամբ, «Աթաթուրք» սերիալն ԱՄՆ-ի և Ֆրանսիայի հայկական սփյուռքի լոբբիստական աշխատանքի արդյունքում համաշխարհային մակարդակով չի ցուցադրվելու։
Ավելի վաղ Disney Plus-ի կողմից նկարահանվող «Աթաթուրք» սերիալին կոշտ արձագանքել էր Ամերիկայի Հայ դատի հանձնախումբը։ Սերիալը վեց սերիայից է բաղկացած: Այն նախատեսվում էր ցուցադրել Թուրքիայի հարյուրամյակին՝ 2023թ․ հոկտեմբերի 29-ին:
Հետևեք մեզ տելեգրամում
