Իրանի գլխավոր դատախազի տեղակալ Մեհդի Ամիրի Էսֆահանիի գլխավորած պատվիրակությունը մեկնել է Բաքու։ Տեղեկությունը հայտնում է Ադրբեջանում Իրանի դեսպանությունը:
Այցի ընթացքում իրանական պատվիրակությունը հանդիպել է Ադրբեջանի գլխավոր դատախազ Քամրան Ալիևի հետ, քննարկվել են երկու երկրների դատաիրավական համագործակցության հարցեր, մասնավորապես Թեհրանում Ադրբեջանի դեսպանատան վրա հարձակման գործի տարբեր ասպեկտները։
Կողմերն ընդգծել են երկկողմ համագործակցության ամրապնդման և երկկողմ հարաբերություններում առկա խնդիրների համակողմանի ու մանրամասն ուսումնասիրության անհրաժեշտությունը։
Հետևեք մեզ տելեգրամում
