Հնդկաստանի խոշորագույն ավիաընկերությունն առաջին թռիչքն է իրականացրել Թբիլիսի

Վրաստանի և Հնդկաստանի միջև ուղիղ օդային հաղորդակցություն է սկսվել։ Այս մասին տեղեկանում ենք Թբիլիսիի և Բաթումի միջազգային օդանավակայանների «TAV Georgia» օպերատորի տարածած հաղորդագրությունից:

Հնդկաստանի խոշորագույն «Indigo» ավիաընկերությունն իր առաջին թռիչքն է իրականացրել Դելի-Թբիլիսի-Դելի ուղղությամբ։ Թբիլիսիից Դելի է մեկնել 186 մարդ։

Նշենք, որ «Indigo» ավիաընկերությունը կանոնավոր չվերթներ կիրականացնի Վրաստանի և Հնդկաստանի մայրաքաղաքների միջև շաբաթական երեք անգամ։