«Իսլամական պետություն» ահաբեկչական կազմակերպությունը Սիրիայի Դեր Զոր նահանգում հարձակվել է ռազմական ավտոբուսի վրա, որի հետևանքով սպանվել է կառավարական զորքերի 23 զինծառայող:
Ինչպես տեղեկացնում է Մարդու իրավունքների սիրիական դիտարանը, հարձակման հետևանքով կա 10 վիրավոր, որոնցից մի քանիսի վիճակը ծայրահեղ ծանր է: Տասնյակ զինծառայողներ անհետ կորել են:
Նշենք, որ չնայած 2019 թվականին «Իսլամական պետությունը» պարտություն կրեց և կորցրեց Սիրիայի որոշ տարածքներում ունեցած վերահսկողությունը, այն կարողացել է ընդհատակյա որոշ բջիջներ այնուամենայնիվ պահպանել: Դրանք պարբերաբար հարձակումներ են իրականացնում կառավարական զորքերի վրա:
Այս շաբաթվա սկզբին ևս հաղորդվել էր, որ ԻՊ-ը Ռաքքայում հարձակվել է կառավարական ուժերի վրա, որի արդյունքում սպանվել էր 10 զինծառայող:
Հետևեք մեզ տելեգրամում
