Վրաստանի կառավարությունը մերժել է նախագահ Սալոմե Զուրաբիշվիլիի նախատեսվող այցը Գերմանիա։ Այս մասին հայտարարություն է տարածել Վրաստանի կառավարությունը:
Հայտարարության մեջ նշվել է․
«Վրաստանի նախագահի աշխատակազմը վերոնշյալ այցի վերաբերյալ առաջարկով դիմել է Վրաստանի կառավարությանը 2023 թվականի հուլիսի 12-ին, որը պաշտոնապես գրավոր մերժվել է 2023 թվականի օգոստոսի 3-ին՝ Վրաստանի Սահմանադրության համապատասխան հոդվածի համաձայն։
Պաշտոնապես մերժվել է նաև նախագահի աշխատանքային այցերը Ուկրաինա՝ օգոստոսի 22-24-ը, Շվեյցարիա՝ սեպտեմբերի 16-ին, Լեհաստան՝ հոկտեմբերի 2-3-ը, Բելգիայի՝ հոկտեմբերի 4-6-ը, Դանիա՝ հոկտեմբերի 31-ից նոյեմբերի 2-ը և ԱՄԷ՝ դեկտեմբերի 1-2-ը։
Զուրաբիշվիլիին թույլ չեն տվել նաև պաշտոնական այցեր կատարել Բուլղարիա՝ սեպտեմբերի 27-29-ը, Չեխիա՝ դեկտեմբերի 10-12-ը և Իսրայել՝ դեկտեմբերի 18-20-ը:
Վրաստանի Սահմանադրության 52-րդ հոդվածի համաձայն՝ երկրի արտաքին քաղաքականության իրականացումը Վրաստանի կառավարության լիազորությունն է, իսկ Վրաստանի նախագահն արտաքին հարաբերություններում ներկայացուցչական լիազորություններն իրականացնում է միայն Վրաստանի կառավարության համաձայնությամբ»։
Հետևեք մեզ տելեգրամում
