Իրանն ու Թուրքիան տարածաշրջանային մի շարք հարցերում, այդ թվում՝ Կովկասի առնչությամբ ունեն տարաձայնություններ: Այս մասին հայտարարել է իրանցի միջազգայնագետ Էհսան Մովահեդիանը՝ «Իրան» օրաթերթի հետ զրույցում:
Ըստ Մովահեդիանի՝ Թուրքիան Աթաթուրքի ժամանակներից Հարավային Կովկասին հասանելիություն ունենալու ծրագիր ունի:
«Եթե Թուրքիան Իրանի հետ մերձեցման նպատակ է հետապնդում, ապա պետք է վերանայի իր տարածաշրջանային քաղաքականությունը: Իրանը Թուրքիայի նկատմամբ անհրաժեշտ լծակներն ունի, սակայն հավատում է բարիդրացիության քաղաքականությանը և իր ու բոլոր հարևան երկրների տարածքային ամբողջականության պահպանմանը, ուստի իր հայացքներին հակառակ վարքագիծ չի դրսևորել»,-ընդգծել է Մովահեդիանը։
Հետևեք մեզ տելեգրամում
