Նախօրերին Թուրքիայի խորհրդարանում Սիրիայում Անկարայի ռազմական գործողությունների քննարկման ընթացքում վեճ է բռնկվել իշխող «Արդարություն և զարգացում» կուսակցության (AKP) և ընդդիմադիր «Ժողովրդահանրապետական կուսակցության»(CHP) անդամների միջև:
Վեճը սկսվել է այն բանից հետո, երբ «Ժողովրդահանրապետական կուսակցության» ներկայացուցիչ Էնգին Օզքոչը իր ելույթում Թուրքիայի նախագահ Ռեջեփ Թայիփ Էրդողանին անվանել է «անպատիվ, ստոր, ուրացող»: Նա նախագահին մեղադրել է այն բանի մեջ, որ Էրդողանը Սիրիայում կռվելու է ուղարկում Թուրքիայի քաղաքացիներին այն դեպքում, երբ իր երեխաները խուսափում են զինծառայությունից:
Օզքոչի վերոնշյալ ելույթի ընթացքում իշխանական և ընդդիմադիր պատգամավորների մեջ լեզվակռիվը վերածվել է ծեծկռտուքի։
Նշենք, որ ընդդիմադիր գործիչի նկատմամբ հետաքննություն է սկսվել ՝ նախագահին վիրավորելու մեղադրանքով։
Ծեծկռտուք Թուրքիայի խորհրդարանում (տեսանյութ)
Հետևեք մեզ տելեգրամումՎերջին լուրեր
