Իսրայելի վարչապետ Բենիամին Նեթանյահուն ստիպված կլինի ընտրություններ անցկացնել պատերազմի ավարտից հետո երեք ամսվա ընթացքում։ Այս մասին Maariv թերթին ասել է Իսրայելի աշխատանքի նախարար Յոավ Բեն-Ցուրը:
«Հասարակությունը կասի իր խոսքը, և հետո մենք կտեսնենք, թե արդյոք Նեթանյահուն մանդատ կստանա», – հավելել է նախարարը:
Նրա խոսքով՝ ընտրությունները պետք է կայանան նախքան հետաքննություն իրականացնող որևէ հանձնաժողովի ստեղծումը:
«Պարկեշտությունը պահանջում է, որ նման սարսափելի իրադարձությունից հետո հասարակությունն իր խոսքն ասի։ Կառավարությունը ստեղծված իրավիճակում չի կարողանա շարունակել գործել»,- շարունակել է Բեն-Ցուրը:
Նշենք, որ անցյալ շաբաթ իսրայելական լրատվամիջոցներում հրապարակված հարցումները ցույց էին տալիս, որ երկրի վարչապետ Բենիամին Նեթանյահուի «Լիկուդ» կուսակցությունը Քնեսեթում (խորհրդարանում) զբաղեցրած տեղերի կտրուկ անկում է գրանցելու՝ 32-ից հասնելով 18-ի:
Հետևեք մեզ տելեգրամում
