Թուրքիայի նախագահ Ռեջեփ Թայիփ Էրդողանը կառավարության նիստից հետո ունեցած ելույթում անդրադարձել է Հայաստանին ու ղարաբաղյան պատերազմից հետո ստեղծված իրավիճակին։
« Արևմտյան երկրների կողմից ուղարկվող ոչ մի զենք և զինամթերք մնայուն խաղաղության ապահովելիք միջավայրի հանգստության տեղը չի կարող զբաղեցնել։ Մեր ամենամեծ ցանկությունն է, որ հայերը ի չիք չդարձնեն 30 տարի հետո ի հայտ եկած խաղաղության հնարավորությունը՝ կրկին ընկնելով տարբեր պատրանքների մեջ։ Այստեղից ևս մեկ անգամ կոչ ենք անում Հայաստանին բռնել մեր ադրբեջանցի եղբայրների մեկնած խաղաղության ձեռքը։ Կրկին հայտնում եմ, որ մենք էլ՝ որպես Թուրքիա, պատրաստ ենք Ադրբեջանի հետ համագործակցությամբ կատարել անհրաժեշտ քայլերը գործընթացի հաջողության համար»։
Այնուհետև Էրդողանը հավելել է․
«Որոշ արևմտյան ուժեր դեռևս չեն կարողանում ընկալել, որ Ղարաբաղի պատերազմի հետ միասին մեր տարածաշրջանում արդեն լրիվ նոր ժամանակաշրջան է սկսվել։ Տարիներ շարունակ Հայաստանի հրահրմամբ այս աշխարհարգությունում ապրող բոլոր մարդկանց ցավերի, դժվարությունների և կռիվների վրա իրենց համար դվիդենտ հավաքողներն իրականում ամենամեծ վնասը հայերին տվեցին։ Բորբոքելով սին երազանքները, որոնց իրականացումը հնարավոր չէր՝ հայերին շահագործեցին, օգտագործեցին, անապահովության դատապարտեցին։ Արդեն Հայաստանն էլ պետք է տեսնի և ընդունի այս իրողությունը։ Ավելի ճիշտ կլինի, որ հայ ժողովուրդը և նրանց ղեկավարներն անվտանգությունը փնտրեն ոչ թե հազարավոր կիլոմետր այն կողմ, այլ իրենց հարևանների հետ խաղաղության և համագործակցության մեջ»։
Հետևեք մեզ տելեգրամում
