Ադրբեջանի մայրաքաղաք Բաքվում մարտի 8-ին Ադրբեջանի ֆեմինիստական շարժումը (FDA) կազմակերպել էր երթ՝ «Փողոցներն ազատ են մեզ համար» կարգախոսով։
Ֆեմինիստական երթի ընթացքում ցուցարարները վանկարկել են «Մի դիմացիր դաժանությանը, մի լռիր դաժանություն տեսնելով», «Կանայք միավորվե՛ք, ո՛չ լռությանն, այո՛ ապստամբությանը» կարգախոսները։
Նիզամի փողոցում ոստիկանությունը արգելափակել է նրանց ճանապարհը: Ոստիկանությունը հրմշտոց է հրահրել Բաքվի նեղ փողոցներում, որոնցով փորձել են անցնել ցուցարարները: Ոստիկանությունը կանանց բերման չի ենթարկել կանանց, սակայն բողոքող աղջիկներին աջակցող մի քանի երիտասարդները բերման են ենթարկվել,- հայտնում է SHANTNEWS.am լրատվական կայքը:
Բաքվում երթը իշխանությունների հետ համաձայնեցված չի եղել: Այնուամենայնիվ, դրա կազմակերպիչները նախքան հավաքի մեկնարկը հրապարակել են կոչ, որում ասվում է, որ նրանք դեմ են Ադրբեջանում աղջիկների և կանանց սպանությանը, սելեկտիվ աբորտներին, գենդերային խտրականությանը, կանանց նկատմամբ բռնություններին, վաղաժամ և հարկադիր ամուսնություններին և աղջիկների դպրոց հաճախելու արգելքին, ինչը կիրառվում է որոշ ընտանիքներում և համայնքներում:
Հետևեք մեզ տելեգրամում
