Ղազախստանի պաշտպանության նախարարը հայտարարել է, որ այս տարի խոշոր զորավարժություն են անցկացնելու՝ Ադրբեջանի, Ղրղզստանի, Տաջիկստանի և Ուզբեկստանի մասնակցությամբ։ Տեղեկությունը հայտնում է «The Tashkent Times» պարբերականը:
Պարբերականի հաղորդմամբ՝ զորավարժությունն անցկացվելու է պաշտպանական ու ռազմական պատրաստվածությունը պահպանելու, ինչպես նաև եղբայրական երկրների միջև բարեկամական հարաբերություններն ամրապնդելու նպատակով։
Ղազախստանի զինված ուժերի ԳՇ պետ, գեներալ-լեյտենանտ Մարատ Հոսեյնովը ևս այս զորավարժությունը կարևոր ու նշանակալի է որակել՝ ընդգծելով, որ այն կազմակերպվելու է բարձր մակարդակով։
Նշվել է, որ 2024 թվականի համար նախատեսված է ռազմական պատրաստության ավելի քան 70,000 ծրագիր, որոնցից գլխավորը «Բիրլեստիկ» անունով հայտնի զորավարժությունն է: Դրան մասնակցելու են երկրի արևմտյան շրջանի հրամանատարության ռազմածովային, օդային և հատուկ գործողությունների ուժերը, ինչպես նաև Ադրբեջանի, Ղրղզստանի, Տաջիկստանի և Ուզբեկստանի զորամիավորումները։
Հետևեք մեզ տելեգրամում
