Հնդկաստանի ԱԳ նախարար Սուբրամանյամ Ջայշանկարը հայտարարել է, որ Հնդկաստանը պատրաստ է Իրանի հետ համապարփակ համագործակցության վերաբերյալ պայմանագիր կնքել: Այս մասին նա հայտարարել է Իրանի նախագահ Էբրահիմ Ռայիսիի հետ հանդիպման ժամանակ:
Ինչպես հաղորդում է իրանական IRNA լրատվամիջոցը, հանդիպման ժամանակ կողմերը քննարկել են կազմակերպված հանցագործության ու ահաբեկչության դեմ պայքարին, Աֆղանստանում կայունության հաստատման ուղղությամբ համագործակցությանը, միջազգային ջրերում նավագնացության անվտանգության ապահովմանը, Գազայում իրադրությանն առնչվող հարցեր:
Իր հերթին Իրանի նախագահն ընդգծել է երկկողմ պայմանավորվածություններին, այդ թվում՝ Չաբահարի նավահանգստի զարգացմանը հետամուտ լինելու անհրաժեշտությունը:
Ի պատասխան Հնդկաստանի ԱԳ նախարարը շեշտել է, որ Հնդկաստանը հավատարիմ է Չաբահարի նավահանգստի զարգացման հարցում ստանձնած պարտավորություններին:
Հետևեք մեզ տելեգրամում
