Վրաստանի Դավիթ Գարեջիի վանական համալիրի պաշտպանության կոմիտեն բողոքի ցույց է անցկացրել երկրի ԱԳՆ-ի դիմաց՝ պահանջելով ԱԳՆ-ի ակտիվ ներգրավումը վանական համալիրի խնդրի լուծման գործում։
Ըստ ցուցարարների՝ վրաց հոգևորականները և քաղաքացիական անձինք պետք է կարողանան ազատ տեղաշարժվել Դավիթ Գարեջիի տարածքով:
«Զալկանիանիի գերատեսչությունը լռում է, ոչ մի պատասխան չկա: Նրանք ետ չեն կանչել դեսպանին (Բաքվից), չեն ներկայացրել բողոքի նոտա: Մենք նամակ ենք ուղարկել նախարարություն՝ պահանջելով անհապաղ պատասխանել Ադրբեջանի կողմից վրացական տարածքի օկուպացիային», – ասել է Դավիթ Գարեջիի վանական համալիրի պաշտպանության կոմիտեի նախագահ Նիկոլիզ Մժավանաձեն:
Հիշեցնենք, որ Դավիթ Գարեջի VI դարի վրացական վիմափոր վանական համալիրը գտնվում է վրաց–ադրբեջանական սահմանի վրա։ Համալիրի մի մասը, որի մեջ մտնում է նաև Ուդաբնոյի վանքը, գտնվում է ադրբեջանական կողմի հսկողության տակ։
Իրադրությունը համալիրի շուրջ սրվեց 2019-ի ապրիլին, երբ ադրբեջանցի զինվորականները սահմանափակեցին վրաց ուխտավորների մուտքը վանական համալիր:
Հետևեք մեզ տելեգրամում
