Վրաստանի ԱԳ նախարար Իլիա Դարչիաշվիլին հայտարարել է, որ չնայած տարածաշրջանում տիրող բարդ իրավիճակին, պաշտոնական Թբիլիսին վարել է հավասարակշռված քաղաքականություն՝ ուղղված կայունության վերականգնմանն ու երկարաժամկետ խաղաղության հաստատմանը։
Արտգործնախարարի խոսքով՝ Վրաստանը բազմիցս նպաստել է հարևան Ադրբեջանի և Հայաստանի միջև արդյունավետ շփմանը՝ գործարկելով «խաղաղ հարևանություն» նախաձեռնությունը:
«Մենք պատրաստ ենք շարունակել մեր մասնակցությունն այս ուղղությամբ՝ հարևան երկրների կարիքներին համապատասխան։ Ցանկանում ենք, որ Թբիլիսին ապագայում դառնա մի վայր մեր հարևանների համար, որտեղ նրանք կարող են քննարկել ցանկացած ընթացիկ թեմա, որը կօգնի վերականգնել վստահությունը կողմերի միջև»,- նշել է Իլիա Դարչիաշվիլին՝ Վրաստանի խորհրդարանի Եվրոպական ինտեգրման և արտաքին հարաբերությունների հանձնաժողովների համատեղ նիստի ընթացքում:
Հետևեք մեզ տելեգրամում
