Իսրայելում կորոնավիրուսով վարակակիրների թիվը հասել է 126-ի, որից 2-ի վիճակը գնահատվում է ծանր: Այս մասին հայտնում է Իսրայելի առողջապահության նախարարությունը:
Նախարարության տվյալներով` 2479 բուժաշխատող, այդ թվում 949 բժիշկ այժմ գտնվում է կարանտինում: Նշվում է, որ ծանր վիճակում գտնվող հիվանդներից մեկը 6 ամսական երեխա է:
Ավելի վաղ Իսրայելի վարչապետ Բենիամին Նաթանյահուն հայտարարել էր, որ երկշաբաթյա կարանտին է սահմանվում արտասահմանից բոլոր ժամանողների համար, դադարեցվում են բոլոր տեսակի միջոցառումների կազմակերպումը, ինչպես նաև մեկամսյա արձակուրդ է հայտարարվում բոլոր ուսումնական հաստատություններում:
Հետևեք մեզ տելեգրամում
