ՆԱՏՕ-ի ԽՎ-ում թուրքական պատվիրակության ղեկավար, ԹԱՄԺ պատգամավոր Մևլութ Չավուշօղլուն Բաքու կատարած այցի ընթացքում ադրբեջանական պետական İctimai TV-ի հետ զրույցում նշել է, որ Թուրքիան մշտապես լինելու է Ադրբեջանի կողքին։
«Եթե նրանց(Արևմտյան երկրների) նպատակը կրկին Հայաստանին ուժեղացնել և պատերազմի հրահրելն է, Ադրբեջանը ևս միայնակ չէ։ Երբևէ մենակ չի մնալու։ Թուրքիան մշտապես նրա կողքին է։ Եթե նրանք մեկը տան, մենք երեքը կտանք»,-ասել է Չավուշօղլուն։
Նա նաև ավելացրել է, որ Թուրքիան առանց Ադրբեջանի համաձայնության որևէ քայլ չի անի հարաբերությունների կարգավորման հարցում։
«Հայաստանը գիտի, որ մենք առանց Ադրբեջանի հետ սերտ համագործակցության, համակարգման որևէ քայլ չենք անի։ Սակայն մենք ցանկանում ենք, որ հարաբերությունները կարգավորվեն։ Խաղաղություն ենք ցանկանում, անդորր ենք ցանկանում»,-ասել է նա։
Չավուշօղլու․ «Թուրքիան առանց Ադրբեջանի որևէ քայլ չի անի»
Հետևեք մեզ տելեգրամումՎերջին լուրեր
