Եթե Իսրայելը շարունակի իր «ագրեսիվ գործողությունները», ապա «ավելի ծանր ու խիստ պատժի» է արժանանալու։ Այս մասին հայտարարել է Իրանի բանակի հրամանատար Աբդոլռահիմ Մուսավին՝ անդրադառնալով Իսրայելի դեմ Իրանի իրականացրած «Ազնիվ խոստում» գործողությանը:
Մուսավիի խոսքով՝ Իսրայելը, խախտելով բոլոր կարմիր գծերը, հարձակում է իրականացրել Դամասկոսում Իրանի դեսպանատան հյուպատոսական բաժնի վրա և միջազգային կազմակերպությունների անգործության պայմաններում և «ժողովրդի պահանջով» Իրանն ինքն է իրականացրել «պատժիչ» գործողությունը։
«ԱՄՆ-ին զգուշացրել ենք, որ եթե Իսրայելին աջակցելով, փորձեն միջամտել, ապա իրենց բոլոր բազաները, հատկապես այն բազաները, որտեղից գործողություններ կիրականացվեն Իրանի դեմ, մեր գործողությունների թիրախ կհամարվեն»,-ասել է Մուսավին:
Հետևեք մեզ տելեգրամում
