Վրաստանի խորհրդարանի իրավական հարցերով հանձնաժողովի նիստի ընթացքում, որտեղ առաջին ընթերցմամբ քննարկվել է «Օտարերկրյա ազդեցության թափանցիկության մասին» օրենքի նախագիծը, ծեծկռտուք է տեղի ունեցել պատգամավորների միջև։
Ընդդիմադիր խորհրդարանական Ալեկո Էլիսաշվիլին բռունցքով հարվածել է Վրաստանի իշխող «Վրացական երազանք» կուսակցության գործադիր քարտուղար Մամուկա Մդինարաձեին։
Նշենք, որ անցյալ տարվա մարտին այս նախագիծը տարբեր ուժերի կողմից քննադատության առարկա էր դարձել՝ պատճառաբանելով, որ օրինագիծը նման է ռուսականին և ուղղված է արևմտյան հիմնադրամներից դրամաշնորհներ ստացող հասարակական կազմակերպությունների դեմ։
Հիշեցնենք, որ օրենքը վերաբերվելու է օտարերկրյա ֆինանսավորմամբ աշխատող կազմակերպությունների գործունեությանը։ Օրինագծի համաձայն՝ օտարերկրյա աղբյուրներից ֆինանսավորում ստացող վրացական ոչ կառավարական կազմակերպությունները ստիպված կլինեն մուտք գործել «օտարերկրյա գործակալների» ռեեստր։
Հետևեք մեզ տելեգրամում
