Իրանի բանակի ցամաքային ուժերի հրամանատար Քիոմարս Հեյդարին հայտարարել է, որ Իրանի զինված ուժերը բոլոր մակարդակներում ինքնաբավության են հասել:
«Մենք պատրաստ ենք ամենակարճ ժամանակում պատասխանել ցանկացած սպառնալիքի ցանկացած մակարդակով»,- Հեյդարիի խոսքերը մեջբերել է իրանական IRNA լրատվամիջոցը:
Հիշեցնենք, որ ապրիլի 13-14-ի գիշերն Իրանն արձակեց 185 անօդաչու թռչող սարք, 110 բալիստիկ հրթիռ և 36 թևավոր հրթիռ Իսրայելի ուղղությամբ։ Հրթիռների մեծ մասն արձակվել էր Իրանից, մի մասը՝ Իրաքից և Եմենից: Իրանն օպերացիան անվանեց «Խոստման կատարում» և նախազգուշական հայտարարությամբ հանդես եկավ։ Իրանի Զինված ուժերի գլխավոր շտաբի պետ, գեներալ-մայոր Մոհամադ Հոսեյն Բաղերին, մեկնաբանելով Իրանի գիշերային հարձակումն Իսրայելի վրա, հայտարարել է, որ իրենք այս գործողությունը դիտարկում են՝ որպես արդյունք, և իրենց տեսանկյունից այն ավարտվել է, այն շարունակելու մտադրություն չկա:
Հետևեք մեզ տելեգրամում
