Թուրքիայում գրանցվել է կորոնավիրուսի պատճառով մահվան առաջին դեպքը։ Մահացածը 89 տարեկան էր, նա վիրուսով վարակվել էր Չինաստանի հետ կապ ունեցող մի աշխատակցից:
Այս մասին տեղեկացրել է Թուրքիայի առողջապահության նախարար Ֆահրեթթին Քոջան։ Նա հրավիրած մամուլի ասուլիսի ժամանակ հայտարարել է, որ վերջին թեստերի արդյունքում հաստատվել է Covid-19 վիրուսով վարակվածության ևս 51 դեպք: Այսպիսով, Թուրքիայում կորոնավիրուսի հաստատված դեպքերի թիվը հասել է 98-ի:
Թուրք նախարարը նշել է, որ Եվրոպայի հետ սահմանների փակման վերաբերյալ Թուրքիայի որոշումը նվազեցնելու է ռիսկերը՝ միևնույն ժամանակ տեղեկացնելով, որ շարունակվելու է իրենց քաղաքացիների վերադարձը Եվրոպայից:
Հետևեք մեզ տելեգրամում
