Երուսաղեմում հայկական համայնքը ոգեկոչել է Հայոց ցեղասպանության 109-րդ տարելիցը: Երուսաղեմի Ժառանգավորաց վարժարանի բակում ծաղիկներ են խոնարհվել ցեղասպանության զոհերի հիշատակին:
Ինչպես գրում է «Իսրայելահայեր» թերթը, Հայֆա քաղաքում՝ Հայոց Ցեղասպանությանը նվիրված հրապարակում, տեղի է ունեցել Սրբադասման Կարգ և Հիշատակի երեկո, որը կազմակերպվել էր տեղի համայնքի և Հայֆայի ու Հյուսիսային քաղաքների հոգևոր հովիվ Տեր Տիրայր քահանա Հովակիմյանի գլխավորությամբ:
Մոմավառություն է կազմակերպվել նաև Պետախ Տիկվա քաղաքում: Միջոցառմանը ելույթով հանդես է եկել Պետախ Տիկվայի քաղաքապետ Ռամի Գրինբերգը:
Հետևեք մեզ տելեգրամում
