Իսրայելի պաշտպանության նախարար Յոավ Գալանտը հանձնարարել է երկրի ՊՆ Հետազոտությունների և զարգացման տնօրինության (եբրայերեն՝ MAFAT) ղեկավար Դենի Գոլդին արտադրել այնպիսի զենք, որի մասին ոչ ոք չգիտի, և որի համարժեքն աշխարհում չկա: Տեղեկությունը հաղորդում է Jerusalem Post-ը:
Գալանտն ակնկալում է, որ զինատեսակը նախատեսված լինի ահաբեկչական կազմակերպությունների դեմ արդյունավետ պայքարելու համար՝ «համապատասխան Գազայի հատվածում շարունակվող մարտերի մարտական սցենարների, որոնցում ահաբեկիչներին հաջողվում է թաքնվել շենքերի և ստորգետնյա ենթակառուցվածքների նկուղներում»:
Հաղորդվել է, որ Իսրայելի պաշտպանության նախարարը հաստատել է MAFAT-ին հատկացվող հատուկ բյուջեն՝ արագացնելու բարձր առաջադեմ չիպերի մշակումը, որոնք կբարելավեն իսրայելական տարբեր զինատեսակների հաշվողական հնարավորությունները և կբարձրացնեն մարտադաշտի արդյունավետությունը:
Հետևեք մեզ տելեգրամում
