Երևանում վաղ առավոտից անհնազանդության ակցիաներ են ընթնում, փողոցներ են փակվում։ Ժամը 14։00-ի դրությամբ Երևանում բերման ենթարկված բողոքի ակցիայի 156 մասնակցից 142-ը ազատ են արձակվել։ Այս մասին ասվում է Ներքին գործերի նախարարության հաղորդագրության մեջ։
Նշենք, որ քաղաքացիները բերման էին ենթարկվել վարչական իրավախախտման վերաբերյալ օրենսգրքի 182-րդ հոդվածով՝ այն է օրինական պահանջ չկատարելը։
«Տավուշը հանուն հայրենիքի» շարժումը, որը դեմ է հանդես գալիս Տավուշում մեկնարկած հատվածական սահմանազատմանը, առաջնորդում է ՀԱԵ Տավուշի թեմի առաջնորդ Բագրատ սրբազանը, ով մայիսի 9-ին Հանրապետության Հրապարկում անցկացրած հանրահավաքի ընթացքում պահանջել է վարչապետ Նիկոլ Փաշինյանի հրաժարականը։
Շարժման մասնակիցները մայիսի 9-ից սկսած մայրաքաղաք Երևանում անցկացնում են անհնազանդության ակցիաներ։
Հետևեք մեզ տելեգրամում
