Ուկրաինական հակամարտության կարգավորման շուրջ բանակցային գործընթացը ներկայում «խոր դադարի» մեջ է։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
Նրա խոսքով՝ առայժմ չկան նոր առաջարկներ կամ նախաձեռնություններ, որոնք կարող են նպաստել բանակցությունների վերսկսմանը։
«Նոր գաղափարներ չկան»,- ասել է Պեսկովը՝ մեկնաբանելով բանակցային գործընթացի ներկա վիճակը։
Կրեմլի ներկայացուցչի խոսքով՝ Ռուսաստանն ավելի վաղ ներկայացրել է իր պահանջները, և դրանք հայտնի են ուկրաինական կողմին։ Պեսկովի գնահատմամբ՝ Կիևն առայժմ պատրաստակամություն չի ցուցաբերում դրանք քննարկելու խաղաղ գործընթացի շրջանակում։
Նա նաև նշել է, որ դիվանագիտական ուղղությամբ առաջընթացի բացակայության դեպքում Ռուսաստանը կշարունակի գործել՝ ելնելով ռազմաճակատում ստեղծված իրավիճակից։
Ավելի վաղ՝ հուլիսի վերջին, Պեսկովը հայտնել էր, որ ուկրաինական հարցի շուրջ Ռուսաստանի և ԱՄՆ-ի միջև շփումները շարունակվում են՝ միաժամանակ կոչ անելով վաղաժամ եզրակացություններ չանել բանակցությունների հեռանկարների վերաբերյալ։
Հետևեք մեզ տելեգրամում
