Ծեծկռտուք Ազգային ժողովում՝ «Քաղաքացիական պայմանագիր» և «Ուժեղ Հայաստան» պատգամավորների միջև (տեսանյութ)

Ազգային ժողովում հոկտեմբերի 6-ի նիստի ընթացքում լարված իրավիճակ է ստեղծվել «Քաղաքացիական պայմանագիր» և «Ուժեղ Հայաստան» խմբակցությունների պատգամավորների միջև։

Միջադեպը տեղի է ունեցել «Ուժեղ Հայաստան» խմբակցության պատգամավոր Էդգար Ղազարյանի ելույթի ժամանակ և դրանից հետո։ Պատգամավորների միջև սկսվել է բանավեճ, որը վերաճել է փոխադարձ հրմշտոցի։

Իրավիճակի լարումից հետո ԱԺ նախագահ Ռուբեն Ռուբինյանն ընդմիջում է հայտարարել։

Մինչ այդ Ղազարյանն իր ելույթում Ռուբինյանին մեղադրել է պետական միջոցների վատնման մեջ և պատգամավորներին կոչ արել չծախսել որպես պարգևավճար ստացած 250 հազար դրամը։

Ելույթի ընթացքում Ռուբինյանն անջատել է Ղազարյանի խոսափողը։