Վրաստանում մարտի 21-ից ամբողջովին կդադարեցվեն ավիաչվերթները, կկատարվեն միայն հատուկ չվերթներ: Այս մասին հայտարարել է Վրաստանի վարչապետի մամուլի խոսնակ Իրակլի Չիքովանին՝ կորոնավիրուսի հարցով ստեղծված համակարգող խորհրդի նիստի ավարտին:
Չիքովանին նշել է, որ Վրաստան վերադարձած բոլոր քաղաքացիները կտեղափոխվեն կարանտինային գոտի:
«Կայացվել է որոշում, որ վաղվանից ամբողջովին դադարեցվում են ավիաչվերթները և իրականացվելու են միայն այն ավիաչվերթները, որոնք կատարվում են Վրաստանի ավիաուղիների կողմից և համաձայնացված են Վրաստանի կառավարության հետ: Կայացվել է մեկ այլ որոշում ևս, ըստ որի՝ անկախ այն բանից, թե որ երկրից են վերադառնում Վրաստանի քաղաքացիները հայրենիք, նրանք անմիջապես կտեղափոխվեն կարանտինային գոտի և կլինեն բժիշկների հսկողության տակ»,- հայտարարել է խոսնակը:
Հետևեք մեզ տելեգրամում
