Իրանի ԶՈւ գլխավոր շտաբը հայտարարություն է տարածել Իրանի նախագահին տեղափոխող ուղղաթիռի վթարի առնչությամբ:
Համաձայն հայտարարության՝ հիդրոօդերևութաբանության կազմակերպությունից ստացված հաշվետության համաձայն՝ Թավրիզից մինչև առաջին և երկրորդ ուղղություններ (Աղբանդի կամուրջ, Գըզ Գալասը ամբարտակ) մինչև ժամը 08:50 եղանակաը բարենպաստ է եղել, սակայն ետ վերադարձի ճանապարհի եղանակը, մյուս ուղղաթիռների օդաչուներից ու ուղևորներից ստացած տեղեկություններով, դեռ լրացուցիչ ուսումնասիրության կարիք ունի:
«Վթարի ենթարկված ուղղաթիռի տեխնիկական սպասարկման և վերանորոգման հետ կապված փաստաթղթերը մանրազնին ուսումնասիրվել են, և վերանորոգման և սպասարկման առումով որևէ թերություն, որը կարող է վթարի պատճառ դառնալ, չի հայտնաբերվել։ Իսկ ուղղաթիռի քաշը ուղևորներով, սարքավորումներով հանդերձ եղել է թույլատրելիի սահմաներում»,- նշված է հայտարարության մեջ:
Նշվել է նաև, որ վթարված ուղղաթիռի օդաչուների հետ վերջին կապը եղել է 69 վրկ առաջ և ոչ մի արտակարգ դրություն չի արձանագրվել:
«Ուղղաթիռի բեկորների ուսումնասիրությունը ցույց է տվել, որ բացառվում է դիվերսիայի հետևանքով թռիչքի ընթացքում և նախքան բարձրությանը բախվելը պայթյունի առաջացումը»,- գրված է հայտարարության մեջ:
Հետևեք մեզ տելեգրամում
