Իտալիայում մի խումբ դիմակավորված անձինք հարձակվել են իտալացի լեգենդար ֆուտբոլիստ Ռոբերտո Բաջջոյի առանձնատան վրա

Իտալիայում մի խումբ դիմակավորված անձինք հարձակում են գործել  իտալացի  լեգենդար ֆուտբոլիստ,  1994թ.-ի ֆուտբոլի աշխարհի առաջնության  արծաթե մեդալակիր Ռոբերտո Բաջջոյի առանձնատան վրա։

Հարձակման ժամանակ Բաջջոն ընտանիքի հետ միասին դիտում էր Եվրո-2024թ-ի շրջանակներում ընթացող  Իսպանիա-Իտալիա խմբային փուլի հանդիպումը։

Իտալական լրատվամիջոցները հայտնում են, որ հարձակման պահին դիմակավորված անձինք ատրճանակի կոթով հարված են հասցրել Բաջջոյի գլխին, ինչի հետևանքով արյունահոսություն է սկսել։

Այնուհետև հարձակվողները գողացել են մի շարք թանկարժեք ոսկյա զարդեր, մեծ գումար և դիմել փախուստի։  Գործի առնչությամբ սկսվել է հետաքննություն, իսկ իտալացի լեգենդար ֆուտբոլիստը հոսպիտալացվել է։