Պաղեստինի նախագահությունը բարձր է գնահատել Պաղեստին պետությունը որպես անկախ և ինքնիշխան պետություն պաշտոնապես ճանաչելու Հայաստանի Հանրապետության որոշումը։
Նախագահությունը խորը երախտագիտություն է հայտնել «այս խիզախ և նշանակալի որոշման համար»՝ այն դիտարկելով որպես «առանցքային քայլ երկկողմ հարաբերությունների ամրապնդման և տարածաշրջանում խաղաղության ու կայունության ամրապնդման ուղղությամբ»։
Այն նաև բարձր է գնահատել Հայաստանի կառավարության և ժողովրդի հանձնառությունը՝ աջակցելու Պաղեստինի ժողովրդին և նրա օրինական իրավունքներին իր հողի և ինքնորոշման նկատմամբ:
Համաձայն նախագահության՝ Հայաստանի իմաստուն որոշումը համահունչ է երկու-պետություն սկզբունքով լուծմանը, որը բարձր է պահում միջազգային կամքն ու լեգիտիմությունը:
Հիշեցնենք, որ այսօր Հայաստանի Հանրապետությունը պաշտոնապես ճանաչել է Պաղեստինը որպես անկախ պետություն:
Հետևեք մեզ տելեգրամում
