Իրանի խորհրդարանի նախագահ Մոհամմադ Բաղեր Ղալիբաֆը ՀՀ ԱԺ փոխնախագահ Ռուբեն Ռուբինյանի հետ հանդիպման ժամանակ ասել է, որ Իրանի քաղաքականությունը հիմնված է հարևանների հետ հարաբերությունների ընդլայնման վրա։
«Սահմանի ցանկացած փոփոխություն մեզ համար կարմիր գիծ է և մեր տնտեսական հարաբերությունները Հայաստանի հետ լավ են, և մենք պետք է շարժվենք դրանց զարգացման ուղղությամբ»,- նշել է Ղալիբաֆը՝ ԲՐԻԿՍ-ի խորհրդարանների ղեկավարների հանդիպման շրջանակում:
ՀՀ ԱԺ փոխնախագահ Ռուբեն Ռուբինյան շնորհակություն է հայտնել Իրանին՝ տարածքային ամբողջականության և ինքնիշխանության հարցում Հայաստանին աջակցելու համար՝ հավելելով, որ Իրանի դիրքորոշումը Հայաստանի նկատմամբ հիմնված է անխախտ սկզբունքների վրա։
«Մենք պետք է զարգացնենք տնտեսական հարաբերությունները երկու երկրների միջև։ Իրանի առկայությամբ մենք ցանկանում ենք օգտագործել 3+3 ձևաչափը տարածաշրջանային խնդիրների լուծման համար»,- ընդգծել է Ռուբինյանը։
Հետևեք մեզ տելեգրամում
