Ֆրանսիայի ԱԳ նախկին նախարարը մեկնաբանել է Խաղաղության եվրոպական հիմնադրամից Հայաստանին օգնություն հատկացնելու որոշումը

Ֆրանսիայի նախկին արտգործնախարար Քեթրին Կոլոնան անդրադարձել է Եվրոպական միության խորհրդի որոշմանը Հայաստանին Խաղաղության եվրոպական հիմնադրամից 10 միլիոն եվրո տրամադրելու վերաբերյալ։ Այս մասին նա գրել է X-ի միկրոբլոգում։

«Ուրախ ենք լսել այս լավ լուրը. Հայաստանը կկարողանա մուտք գործել «Եվրոպական խաղաղության հաստատություն»։  

Սա ֆրանսիական երկարամյա նախաձեռնության գագաթնակետն է։ Ֆրանսիան կանգնած է Հայաստանի կողքին», – գրել է Քեթրին Կոլոնան՝ այս առիթով շնորհավորելով նաև Ֆրանսիայի ԱԳ նախարար Ստեֆան Սեժուրնեին։