Իսրայելի ԱԳՆ-ի ղեկավարը կոչ է արել Թուրքիային հեռացնել ՆԱՏՕ-ից

Թուրքիա-Իսրայել նոր լարվածության ֆոնին Իսրայելի արտգործնախարար Իսրայել Կացը կոչ է արել՝ Թուրքիային հեռացնել ՆԱՏՕ-ից։ Թեմայի վերաբերյալ գրավոր հայտարարություն է տարածել Իսրայելի արտգործնախարարունը։

«Թուրքիայի նախագահ Էրդողանի՝ Իսրայել ներխուժելու սպառնալիքների և վտանգավոր հռետորաբանության լույսի ներքո՝ արտգործնախարար Իսրայել Կացը դիվանագետներին հանձնարարել է շտապ համագործակցել ՆԱՏՕ-ի բոլոր անդամների հետ՝ կոչ անելով դատապարտել Թուրքիային և պահանջել հեռացնել տարածաշրջանային դաշինքից»,-նշվել է Իսրայելի ԱԳՆ-ի հայտարարության մեջ։

Հիշեցնենք, որ ավելի վաղ Էրդողանը Ռիզե նահանգում իշխող կուսակցության մասնաճյուղի նիստի ժամանակ հայտարարել էր՝ «Թուրքիան կարող է մտնել Իսրայել այնպես, ինչպես ժամանակին մտել է Լիբիա և Լեռնային Ղարաբաղ»: