Իրանի հոգևոր առաջնորդ այաթոլլա Ալի Խամենեին հրամայել է ուղիղ հարված հասցնել Իսրայելին՝ ի պատասխան Թեհրանում ՀԱՄԱՍ-ի քաղաքական առաջնորդ Իսմայիլ Հանիեի սպանությանը, գրում է The New York Times-ը՝ վկայակոչելով հրամանի մասին տեղեկացված իրանցի երեք պաշտոնյաների։
Ըստ աղբյուրի՝ Իրանցի զինվորականները դիտարկում են Թել Ավիվի և Հայֆայի տարածքում ռազմական օբյեկտների վրա համատեղ անօդաչու թռչող սարքի և հրթիռային հարձակման հնարավորությունը, սակայն կփորձեն խուսափել քաղաքացիական օբյեկտների թիրախավորումից, հայտարարել են Իրանի պաշտոնյաները:
Նշվում է, որ Խամենեին հանձնարարել է Իսլամական հեղափոխության պահապանների կորպուսի և բանակի ռազմական հրամանատարներին նախապատրաստել պլաններ ինչպես հարձակման, այնպես էլ պաշտպանության համար, եթե պատերազմn ընդլայնվի, և Իսրայելը կամ Միացյալ Նահանգները հարվածեն Իրանին, ասել են պաշտոնյաները:
Հետևեք մեզ տելեգրամում
