Թբիլիսիում օգոստոսի 3-ին ձերբակալված ադրբեջանցի լրագրող Աֆգան Սադիգովի կինը՝ լրագրող Սևինչ Սադիգովան, վրացական Netgazet-ի հետ զրույցում խոսել է իր ընտանիքի նկատմամբ Ադրբեջանում հետապնդումների և Վրաստանում բնակվող ադրբեջանցիների նկատմամբ Ալիևի ռեժիմի վերահսկողության մասին։
Սադիգովան նշել է, որ լրագրողական աշխատանքի ընթացքում մշտապես սպառնալիքներ է ստացել Ադրբեջանի ոստիկանությունից, անգամ բռնություն է կիրառվել նրա նկատմամբ։ Սադիգովայի խոսքով՝ նրա երեխաները մշտական վախի մեջ են ապրել, և ինքն այդ պայմաններում անգամ ինքնասպանության մասին է մտածել։
Նրա խոսքով՝ Աֆգան Սադիգովը նույնպես մշտապես սպառնալիքներ է ստացել, և նրանց երկուսի ընտանիքն այդ պատճառով եղել է ծանր վիճակում։ Սադիգովը մի քանի անգամ ձերբակալվել է Ադրբեջանում, ենթարկվել բռնությունների, կտտանքների և անարդար դատավարությունների։
Հետևեք մեզ տելեգրամում
