Ադրբեջանում գործի են դրվել ներքին զորքերը

Կորոնավիրուսով պայմանավորված իրավիճակի պատճառով Ադրբեջանում մտցված կարանտինային ռեժիմը այսուհետ կվերահսկեն ներքին զորքերը։ Այս մասին ասված է այդ երկրի ներքին գործերի նախարարության հրապարակած  հայտարարության մեջ։

Նշվում է, որ ՆԳՆ ներքին զորքերը ոստիկանության հետ համագործակցությամբ կհետևեն կարանտինային ռեժիմի կանոնների պահպանմանը մայրաքաղաք Բաքվում։

Ադրբեջանական մամուլում ենթադրություններ են արվում, որ երկրի իշխանութունները հաջորդ քայլը կարող է լինել ողջ երկրի տարածքում արտակարգ դրություն հայտարարելը։