ՀՀ-ն շնորհավորական ուղերձ է հղել Հնդկաստանին անկախության առթիվ

ՀՀ արտաքին գործերի նախարարությունը շնորհավորական ուղերձ է հղել Հնդկաստանի իշխանությանն ու ժողովրդին անկախության 78-րդ տարեդարձի առթիվ։ Համապատասխան գրառումը հրապարակվել է ԱԳՆ–ի` X սոցիալական ցանցի էջում։

«Մեր ամենաջերմ շնորհավորանքներն ու բարեմաղթանքներն ենք հղում Հնդկաստանի մեր բարեկամներին Անկախության 78-րդ տարեդարձի կապակցությամբ: Հայաստանը բարձր է գնահատում Հնդկաստանի հետ բազմակողմանի համագործակցության խորացումը և պատրաստ է նոր բարձունքների հասցնել երկկողմ հարաբերությունները»,- ասվում է ուղերձում։