Ֆրանսիան ունի նոր վարչապետ

Ֆրանսիայի նախկին արտգործնախարար Միշել Բարնիեն նշանակվել է երկրի նոր վարչապետ: Այս մասին հայտնել է BFMTV հեռուստաալիքը:

Հեռուստաալիքը հայտնել է, որ Ելիսեյան պալատը հաստատել է այդ տեղեկությունը:

Հիշեցնենք, որ 2024 թվականի հունվարի 9-ին Ֆրանսիայի նախագահ Էմանուել Մակրոնը Գաբրիել Ատալին նշանակել էր վարչապետ։ Ֆրանսիայի պատմության մեջ նա ամենաերիտասարդ վարչապետն էր։