Գերմանիայի դաշնային անվտանգության խորհուրդը հաստատել է զենքի արտահանումը Թուրքիա՝ մի քանի հարյուր միլիոն եվրո արժողությամբ, հաղորդում է Spiegel-ը։ Փաթեթում ընդգրկվելու են զենիթահրթիռային համակարգեր և սուզանավերի արդիականացման բաղադրիչներ:
«Դաշնային անվտանգության խորհուրդը վերջերս կանաչ լույս է վառել ՆԱՏՕ-ի դաշնակից Թուրքիային գերմանական զենքի մատակարարման համար», – նշում է պարբերականը՝ հղում անելով Գերմանիայի տնտեսության նախարարության ցուցակներին, որոնք ներկայացվել են Բունդեսթագում:
Spiegel-ի տեղեկությունների համաձայն, մատակարարման պայմանագրում ներառված են 100 միավոր առավարվող հրթիռներ, հակաօդային պաշտպանության համակարգերի համար, 28 միավոր SeaHake տորպեդներ, ինչպես նաև բաղադրիչներ և մասեր U209 տիպի սուզանավերի արդիականացման համար, որոնք պատկանում են Թուրքիայի ռազմածովային ուժերին։
Փորձագետների կարծիքով՝ պայմանագրի արժեքը կազմելու է 336 միլիոն եվրո։ Սակայն պաշտոնական փաստաթղթերում, որոնք հասանելի են ուսումնասիրության համար, գործարքի արժեքը չի նշվում։
Հիշեցնենք, որ Գերմանիան 2018-ին կասեցրել էր զենքի արտահանումը Թուրքիա Սիրիայի Աֆրինումքրդական ինքնապաշտպանական ուժերի դեմ թուրքական բանակի ռազմական գործողության պատճառով:
Հետևեք մեզ տելեգրամում
